Shkrimtari dhe publicisti Fatos Lubonja thotë se shpallja “non grata” e personave të fundit, por edhe korrupsioni i evidentuar në raportin e DASH vjen si pasojë e qeverisjes aktuale. Në një intervistë në Neës 24, Lubonja u shpreh se mungon opozita dhe mendimi ndryshe dhe se ky është shqetësimi më i madh.
“Fjala që mund të përmbledhë mendimin tim është krejtësisht e pamjaftueshme, nëse do të mendojmë që Amerika ka shqetësim për demokracinë në Shqipëri.
Nëse ka shqetësim serioz, siç presim ne apo imagjinojmë ne, kjo s’tregon këtë shqetësim. Unë absolutisht nuk mund të besoj që këta janë të painformuar nga ajo që ndodh në Shqipëri. Por unë e kërkoj për këto (non gratat) përgjegjësinë tek i pari që është ai që drejton qeverinë.
Nëse gjeostrategjia është e para, atëherë unë që kam probleme me Ramën jam i fundosur, sepse ata do të duan të kenë njeriun e tyre në krye. Veçse të shkojnë e t’i thonë që “ti i ke zgjedhur këta”, sepse djali Qifes theu herësin. Tom Doshi qe non grata. Të paktën disa rezerva nga heroi që solli afganët duhet të kemi”, – tha Lubonja.
Për Lubonjën është shqetësuese fakti që në politikën shqiptare mungon zëri dhe mendimi ndryshe.
“Anija e pushtetit të Ramës dhe era nga fryn janë në një drejtim për fat të keq. Në këtë situatë nga ne që presim që Perëndimi të mbajë qëndrim. Në këtë situatë nuk diskutohet që marrin më tepër rëndësi raportet brenda komunitetit europian, aleateve.
Të mos harrojmë Poloninë. Vetëm demokracia e vërtetë të shpëton nga autoritarët. Në Amerikë Trumpi kërcënoi goxha. Trump donte të shtynte mandatin. Është sfidë e përhershme. Tek ne duhet të presim që shqiptarët të piqen edhe më shumë, kaq.
Rama do shtonte dhe do të rriste çmimin e energjisë. Ai vrulli që lindi për një çast, apo s’ka opozitë, ose njerëzit janë lodhur. Taktika e tij është që armotizon pak për të goditur më pas. Edhe kjo ndikon. Njerëzit janë të lodhur në një betejë ku pushteti është indiferent dhe arrogant.
Arma e vetme mbetet pozita, që t’i ngre ajo njerëzit. Kur opozita është e përçarë, anija e tij ecën edhe më mirë. Mungon debati dhe prapë përgjegjësinë e ka Rama. Edhe sikur të kishte vetëm një parti pa opozitë, aty s’ka ide. Nuk ka debat, asgjë.
Duke qenë se të gjitha partitë u bënë oligarkësh, atëherë s’kishte më ide, por kush kontrollon më shumë pushtetin. Duhet të dilnin parti kundra ideologjikisht me ide.
Më parë kishte edhe parti të gjelbra, sa për emër. Tani s’ka parti të gjelbra, ku problemet e ekologjisë janë të jashtëzakonshme. Këta po e bëjnë gurore Shqipërinë, me të majtë me të djathtë”, – u shpreh Lubonja. /BW