Kimete Berisha

– Shqiptarët nuk kanë pasur rast të shohin politikan më të Vetmuar dhe më të përndjekur se sa Albin Kurti.

– Të gjitha Institucionet, të

gjitha mediat, pa përjashtim, të gjithë gazetarët janë kundër Albin Kurtit.

– E para e ka nisur PDK, e flaktë për ta shpallur terroriste ‘Vetëvendosjen’…

kështu vepruan në atë kohën kur përuleshin para pllakës përkujtimore serbe ku shkruhej në serbisht se ‘Serbët u vranë nga terroristët e UÇK – së’.

(Ata e dinin se çfarë shkruante në atë pllakë…!)

– Me çka e tërheq gjithë këtë armik Albin Kurti?

– Për shembull njëfarë Sh. Maliqi, ia pa hairin Albin Kurtit, e u mësua të flas shqip duke e sharë!

– Pse?

Çfarë e motivon Maliqin?

– Si ndodhi që një ‘dashnor’ i Serbisë nervozohet aq shumë që Albin Kurti është ‘antishqiptar’!

– Çfarë e motivon njëfarë dogmat- gazetari të Shqipërisë të shkruaj kaq shumë kundër Albin Kurtit e me kaq zjarr… e në të njëjtën kohë të puthet’ prapa grilave të burgut me Erion Velinë?

– Merr pare?

– E urren me parapagim?

– Apo i ka thënë Edi Rama- urreje.

(Urrejtja e Edi Ramës e ka njëfarë

sharmi, ama dashuria e tij, për Hashim Thaçin për shembull, është qesharake…shumë).

– Pse gazetarët e urrejnë Albin Kurtin?

Sepse, përveç arsyeve materiale, u duket sikur i ‘nënçmon’…

Me çka?

– Me superipritetin e tij?

– Me impulsivitetin e tij?

– Apo që u duket i vetëmjaftueshëm?

– Kur Albin Kurti i ka fituar zgjedhjet, në fakt nuk i ka fituar, sepse Institucionet, administrata, gjykatat, policia, të gjitha pa përjashtim janë të PDK-së dhe të LDK-së.

S’ka pasur mundësi të jetë ndryshe.

– Në të gjitha Institucionet, PDK dhe LDK i kanë ‘njerëzit e tyre’ që vendosin.

Epoka kleptokratike-klienteliste…nuk ka përfunduar…

zgjat qe njëzet e kusur vjet.

– Pra, Albin Kurtit i bie se i ka udhëhequr Institucionet ‘e privatizuara’ nga LDK e PDK.

– Dhe, prandaj dukej i ‘huaj në qeverisjen e tij, sepse nuk kishte çka të udhëhiqte…

– Është njësoj sikur të bëhesh Zot i shtëpisë së ‘uzurpuar’.

– Kosova është e korruptuar, gjithmonë ka qenë dhe ky nuk është lajm që është më

e varfëra dhe hajnesha më e madhe.

– Për të shkretëruar pa dhimbtë, çkado që u del përpara, shqiptarët së pari e morën yrnekun nga UNMIK-u…!

– Nuk do të ishte logjike dhe e natyrshme që në një vend qind për qind të kapur, vetëm Gjykata Kushteuese të jetë e ‘pavarur politikisht’.

-Nuk ka mundësi!

– Prandaj, Gjykata Kushtetuese i ka hyrë Kushtetutës mes për mes si Kali i Trojës…

– Sepse, qjnd për qind është duke vepruar me urdhëra politkë.

– Kjo është tragjike, por jo e çuditshme!

– Pasi që për katër viite kanë dështuar ta ç’kapin pushtetin nga bandat kriminale,

e meritojnë këtë vendim të ‘lirë dhe privat’ të Gjykatës që thotë se ‘Para një muaji ke pasur të drejtë në votim të fshehtë, e tash jo, s’ke më të drejtë..!

– Për katër vite, Drejtësia në Kosovë është udhëhequr nga një grua që synim kryesor e ka pasur të duket ‘seksi’!

– Prandaj, joserioziteti e sjell joseriozitetin!

P.S. 1. Një legjendë:

– Para një muaji, nga partitë politike kam ‘dëgjjuar’ se ‘ambasadat e huaja kanë kërkuar nga opozita që të mos bashkëpunojnë me Albin Kurtin’!

– Vetmia e tij ndoshta është fat…

ndoshta është e orkestruar, por gjithësesi është e çuditshme sepse është kolektive…

dhe për kush ka ende ndjenja, është edhe pak e dhimbshme!

P.S. 2. Në të vërtetë, unë e pata nijet t’u disponoj me një shkrim për dashurinë…por qe…sonte nuk është shkruar rë disponohemi…

se vuajtja është shkruar para dashurisë…

‘Ne të gjithë jemi ngapak të sosur pa nevojë’!