Gjatë 2019-ës ka pasur edhe dështime teknologjike, disa prej tyre edhe vdekjeprurëse.
2019 ishte padyshim viti i shumë avancimeve teknologjike por nuk ka qenë çdo gjë plot ngjyra për vitin që po lëmë pas. Gjatë 2019-ës ka pasur edhe dështime teknologjike, disa prej tyre edhe vdekjeprurëse.
Kush janë dështimet teknologjike më të mëdha të 2019-ës? Lista vijon si mëposhtë:
Autopiloti i Boeing jashtë kontrolli
Çdo gjë nisi me një avion Boeing 737 Max i kompanisë Lion Air i cili u rrëzua pak pas ngritjes në fluturim. Të gjithë në bord vdiqën por nuk përfundoi këtu. Një tjetër 737 Max u rrëzua në Etiopi duke lënë të gjithë udhëtarët dhe ekuipazhin e fluturimit të vdekur. Pilotët kishin vështirësi me autopilotin i cili merrte kontrollin dhe zhyste hundën e avionit poshtë. Ky autopilot u instalua për të kompensuar vendosjen e motorëve më të mëdha dhe më efikasë. Humbjet e Boeing sot përllogariten në miliarda dollarë ndërsa kompanitë kanë ndaluar fluturimin e 737 Max.
Space Stowaways
Këtë vit një kompani në Izrael lançoi anijen e parë hënore e cila përfat të keq rrëzua në Prill në vendin për të cilin ishte destinuar. Për fat të mirë askush nuk ishte në bord. Në fakt dikush ishte.
Një organizatë Amerikane e quajtur Arch Mission Foundation kishte vendosur n fshehtësi një kapsulë plot arinj uji. Këto krijesa mikroskopike mund të mbijetojnë edhe kushteve më të vështira në Tokë. Mbase ja arrijnë edhe në Hënë.
Telefoni me palosje i Samsung
Analizat e para të Galaxy Fold nuk ishin ato që Samsung priste. Pas një dite përdorim, Mark Gurman i Bloomberg tha se ekrani i telefonit ishte thyer dhe bërë i papërdorshëm.
Për vitin e ardhshëm janë parashikuar telefonë të rinj me palosje por prezantimi i Galaxy Fold provoi një hap të papjekur për Samsung. Telefonët e dhënë për analistët u thyen dhe Samsung shtyu debutimin e telefonit. Kompania tha se problemet kishin ardhur si rezultat i mekanizmit të dobët të palosjes dhe substancave që kishin hyrë në të. Por adhuruesit e pajisjeve risi nuk presin dot. Telefoni është në shitje për 1,980 dollarë por mbetet një produkt i brishtë dhe eksperimental që provon se ekranet fleksibël nuk janë ende gati.
Karta e Kreditit e Apple
Pse një sipërmarrës teknologjik i pasur ka 10 herë më tepër limit sesa bashkëshortja e tij me kartën e re të kreditit Apple Card edhe pse asetet që posedojnë i kanë të përbashkëta? Mbase është një algoritëm seksist. Bashkëthemeluesi i Apple Steve Wozniak e quajti kështu dhe konfirmoi se e njëjta gjë kishte ndodhur me gruan e tij.
Karta e kreditit e Apple është prodhuar nga Goldman Sachs por rasti i Apple nuk është unik. Mjafton të kujtojmë algoritmat e reklamave të Facebook të cilën rekomandonin për shoferë taksi minoritetet ndërsa vendet e punës në supermarkete për femrat.
Fikja e internetit
Është demokracia më e madhe në botë por India nuk është e tillë kur bëhet fjalë për aksesin në internet. Qeveria federale dhe ato lokale kanë pasur probleme kohët e fundit me lajmet duke shkëputur aksesin e përdoruesve në Facebook, WhatsApp dhe pjesën tjetër të internetit.
Në Dhjetor India ndaloi internetin për 60 milionë njerëz. Gjatë 2019-ës interneti është ndaluar mëse 90 herë në masë. Ndërsa India është kampione, ndalime të tilla po ndodhin edhe në Pakistan, Turqi, Iran, Sudan dhe Benin ku qeveritë kanë gjetur butonin e duhur për ta bërë duke shmangur kështu telashet e një proteste zeri i të cilës mund të marrë dhenë.
Apple AirPower
Planet e Apple për të sjellë teknologjinë e karikimit wireless nuk shkuan aspak sipas planeve. AirPower duhej të ishte një dok wireless i cili karikonte në të njëjtën kohë iPhone, kufjet wireless dhe Apple Watch.
Por produkti doli më shumë sesa Apple kishte mundësi të bënte dhe pritja për të nuk mbaroi kurrë. Mësohet se kompania pati probleme me nxehtësinë e gjeneruar të cilës nuk i gjeti dot zgjidhje.
Kompania e braktisi produktin pasi qëndroi 18 muaj në heshtje që nga prezantimi i saj vitin e kaluar krahas iPhone XR, XS dhe XS Max.
Dalja në bursë e WeWork
Ishte destinuar të bëhej një prej IPO më të bujshme ndër vite dhe një arritje e madhe për CEO e kompanisë Adam Neumann. Në Janar ai tha se kompania vlerësohej me 40 miliardë dollarë pas një investimi të Softbank prej 2 miliardë dollarësh.
E gjitha ndryshoi në Gusht kur WeWork nisi procesin e Ofertës Fillestare Publike. Investitorët ishin të shqetësuar për fuqinë votuese të Neumann në kompani e cila ishte 20 herë më e madhe sesa e aksionerëve të thjeshtë. Gjithashtu kishte shqetësime sesi WeWork do të gjeneronte para. Kompania reduktoi vlerën në 15 miliardë dollarë përpara se të ndalon Ofertën Fillestare Publike. Kriza brenda kompanisë bëri që themeluesi karizmatik të largohej ndërsa humbjet e WeWork ishin 1.3 miliardë dollarë vetëm në tre mujorin e tretë të 2019-ës.