Kjo piramidë ndodhet në fshatin Midhë të Pukës.
Është ende një mister se si është ndërtuar. Banorët e zonës e quajnë “Maja e Vopulës”.
Kërkohet një studim specifik për të kuptuar formimin e saj dhe misteret që mund të ketë brënda.
Përshkrimi i mësipërm dhe fotoja nga Alban Doçaj.
******
Shënimi më poshtë bëhet nga stafi ynë, “PUKA ndër vite”: është tepër MAHNITËSE, se si banorët e thërrasin këtë piramidë.
Pra, “Maja e Vopulës”.
Në dialektin pukjan “vō” ose “vōe” i thonë vezës.
Nga kjo atëhere kemi “Maja e Vezës së Pulës”. “Maja e Vo(e)Pulës”.
Maja vërtetë ka formën e një maje veze, e çfarë është interesante,
këtu mund ta lidhim edhe me legjendën që tregon se, Plisi, simbolizon
gjysmën e vezës (voes) Hyjnore, nga e cila vezë doli Perendia Shqiponjë
apo Skifteri dukë fluturuar, e me krahet e tij krijoi gjithçka, me pak
fjalë krijoi jetën.
Është mjaft interesante tradita ndër shqiptarë se si p.sh. nusja kur hyn
për herë të parë në shtëpi të dhëndrit, ajo ulet në një Plis të kthyer
përmbys (mbrapsh) dhe vëndos një Plis tjetër në kokë.
Në këtë traditë kulturore Shqiptare, me ritin e nuses, ne shqiptarët,
nuk bëjmë gjë tjetër, veç se shprehim një skenë të gjenezit, pra, siç
Perendia doli nga veza hyjnore, apo veza e botërave, dhe solli jeten,
ashtu edhe nusja “del nga veza” dhe sjell jetën në atë shtëpi ku
martohet.
Përveç kësaj nusja bën dhe një “TEMENA” që do të thotë “Te mendja”
apo një kujtesë që na bën të kujtojmë prejardhjen tonë të lashtë mijëra
vjeçare. Kur nusja fillon pra “Temenanë”, ajo bën disa lëvizje me duar
si kujtim të Shqiponjës kur Krijoi Zoti Botën dhe në fund të “Temenasë”
nusja e bën me dy duart shenjën e Shqiponjës.
Pra, kjo traditë që ne e trashëguam dhe e ruajtëm deri në ditët tona sot
dhe si një besim i parë i njeriut tek Perendia që në fillim të krijomit
të botës, kjo tregon origjinën tonë të lashtë Pellazgo-Iliro-Arbnore.
Plisi i bardhë përfaqëson pastërtinë, mençurinë, urtiësinë, burrërinë, e përzgjedhjen prej Hyjit si barinj delesh dhe shpirtrash.
E sollëm këtë shkrim mbi plisin (këtë “gjysmë *voe* pra) për ta lidhur me këtë Piramidë në Midhë të Pukës, që pukjanët i thonë “Maja e Vopulës”.
Mos të harrojmë se edhe në Bosnjë, që dikur ish tokë Ilirie dhe ilirësh, pretendohet të ekzistojnë dhe Piramidat më të larta në planet.
Përgatiti: PUKA ndër vite.