Një studim i ri ka zbuluar se bletët po ndërtojnë foletë e tyre apo hojat, plotësisht nga plastika dhe rezulton se ka shkallë më të ulët mbijetese për bletët.
Në një fushë ku rritën bletët në Argjentinë, kohët e fundit bletët u gjetën duke ndërtuar fole, të bëra plotësisht nga plastika të cilat ishin lënë në disa ferma.
Nga 2017 deri në 2018, studiuesit në Institutin Kombëtar të Teknologjisë Bujqësore në Argjentinë krijuan fole druri dhe artificiale për bletët e egra. Për dallim nga speciet e bletëve që kanë një koshere të madhe me mbretëresha dhe punëtorë, bletët e egra futen në fole për të shtruar larva individuale.
Në këtë institut u ndërtuan gjashtëdhjetë e tre fole druri dhe tre u gjetën të veshura plotësisht me plastikë. Ngjashëm me madhësinë dhe formën e një thoni copat e plastikës ishin prerë me kujdes nga bletët dhe ishin rregulluar në një model mbivendosjeje në foletë e tyre. Bazuar në materialin, studiuesit mendojnë se plastika mund të ketë ardhur nga një qese plastike ose material tjetër plastike, i cili ka një strukturë të ngjashme me bletët e gjetheve që zakonisht përdorin për të rreshtuar foletë e tyre.
Nga tre foletë plastike, njëra nuk kishte mbaruar, që do të thotë që bleta nuk e përdori atë për të shtruar larvat e saj, raporton Science Alert.
Plastika shpesh paraqet një rrezik për jetën e egër në formën e mikroplastikës. Mikroplastikat janë një rrezik për kafshët që i marrin ata për ushqim, gjë që shumë e bëjnë në mjediset detare. Megjithatë, asnjë studim nuk tregon që bletët mund të konsumojnë plastikë.
Ndër rreziqet me të cilat përballen bletët janë pesticidet, shkatërrimi i habitatit dhe ekspozimi ndaj viruseve ose parazitëve.
Studiuesit kanë spekuluar se plastika mund të krijojë një pengesë kundër çështjeve të foleve të zakonshme si myku dhe parazitët.
Nëse bletët në fakt po zgjedhin plastikë mbi materiale natyrore, nuk do të ishte hera e parë që kafshët kanë përdorur plehra në të mirën e tyre.
Ndërkaq më 20 maj shënohet Dita Botërore e Bletëve. Në këtë ditë Anton Jansa, pionieri i bletarisë, lindi në 1734. Qëllimi i ditës ndërkombëtare është të njohë rolin e bletëve dhe pjalmuese të tjerë për ekosistemin.
10000000_280490336363132_5806874819530027476_n.mp4