Presidenti i Shteteve të Bashkuara, Donald Trump, po shqyrton mundësinë e një sulmi ndaj objekteve bërthamore iraniane, sipas burimeve anonime për median amerikane Axios.

Të martën, Trump shkroi në rrjetin e tij social, Truth Social, se SHBA e di saktësisht se ku ndodhet udhëheqësi suprem i Iranit, Ayatollah Ali Khamenei, percjell MekuliPress.com

“Ne e dimë saktësisht se ku fshihet i ashtuquajturi ‘udhëheqës suprem’. Ai është një objektiv i lehtë, por i sigurt për tani – nuk kemi ndërmend ta eliminojmë (ta vrasim!), të paktën jo tani për tani,” shkroi Trump.

Ai shtoi gjithashtu:

“Por nuk duam raketa të lëshuara kundër civilëve apo ushtarëve amerikanë. Durimi ynë po soset.”

Burimet: Trump synon sulm

Të martën në mbrëmje, sipas orës së Norvegjisë, presidenti do të takohet me ekipin e tij të sigurisë kombëtare në dhomën e posaçme të krizave në Shtëpinë e Bardhë – e njohur si Situation Room. Tre zyrtarë anonimë thanë për Axios se gjatë këtij takimi do të diskutohet mënyra se si SHBA duhet të reagojë ndaj përshkallëzimit të konfliktit mes Iranit dhe Izraelit.

Sipas këtyre burimeve, Trump është duke e konsideruar seriozisht ndërhyrjen në luftë dhe një sulm të mundshëm amerikan kundër objekteve bërthamore iraniane – veçanërisht kundër objektit nëntokësor në Fordow.