Ka nisur seanca konstituive e Kuvendit të Kosovës, ku në rend dite janë tri pika.

“Formimi i komisionit të përkohshëm për verifikimin e forumit dhe mandateve, betimi i deputetëve dhe zgjedhja e kryetarit dhe nënkryetarëve të Kuvendit”.

Drejtuesi i kësaj seance Jahja Koka ka kërkuar nga partitë politike që të prezantojnë kandidatët e tyre për anëtarë të komisionit të përkohshëm për verifikimin e forumit dhe mandateve të deputetëve.

Nga Lëvizja Vetëvendosje, anëtare do të jetë Albulena Haxhiu, Armend Zemaj nga LDK, Ganimete Musliu nga PDK, Rasim Selmanaj nga AAK, Slavko Simiq nga Lista Serbe, Albulena Balaj-Halimi nga Nisma Socialdemokrate, Rasim Demiri nga koalicioni VAKAT, Fidan Brina Jilta nga partia turke, Veton Berisha nga partia egjiptiane, Emilia Rexhepi nga Partia e Re Demokratike, Hetem Arifi nga partia e ashkalinjeve, Elbert Krasniqi nga partia gorane, Adem Hoxha dhe Albert Kinolli.

Pas propozimit të antarëve, deputetët me 111 vota për miratuan formimin e këtij komisioni, ndërkaq drejtuesi i kësaj seance bëri të ditur se do të ketë pauzë prej 15 minutave.