Një fluturim transatlantik pasagjerësh që, edhe në epokën e Covid-19, ndihet i sigurt është pikërisht edhe fluturimi 14 i United Airlines nga Newark i cili u ul në Aeroportin Heathrow të Martën herët.
Fluturimi është i pari në një provë katër-javore nga kompania ajrore në të cilën pasagjerët dhe ekuipazhi testohen para se të hipin, duke u ofruar atyre sigurinë që – të paktën në kohën e ngritjes – askush nuk ka virus.
United dëshiron të demonstrojë se testimi i duhur në bord mund të lejojë që udhëtimi transatlantik të hapet përsëri, duke zvogëluar ose eliminuar nevojën për karantinë dhe ringjalljen e industrisë së udhëtimeve.
Atëherë si funksionon? Sipas një reporteri të CNN i cili ishte një nga 36 pasagjerët në bordin e fluturimit përurues brenda natës për në Heathrow për të përjetuar procesin, ja çfarë ndodhi:
Si fillim u realizua kontrolli për virusin – një test i shpejtë Abbott ID Now Covid-19 i administruar nga Premise Health menjëherë pas check-in. Më pas ju kaloni përmes sigurisë, drejtoheni drejt portës dhe objektit të provës, i cili ndodhet në Klubin Newark United. Ju hyni, jepni emrin tuaj, përgjigjeni pyetjeve themelore mjekësore dhe një infermiere bën një tampon hunde.
Mjeku përgjegjës shpjegon se tamponi nuk ka nevojë të shkojë përtej pasazheve të hundës për të zbuluar Covid. E gjithë gjëja zgjat rreth 15 minuta në total, atëherë ju merrni rezultatet të shtypura dhe dorëzuara tek ju.
Për të mos krijuar radhë dhe dyndje njerëzisht kompania ka kërkuar zyrtarisht pasagjerëve që të paraqiten disa orë më shpejt në aeroport për të kryer kështu testin.
United do të kryejë provën në tre fluturime përtej Atlantikut në javë. Ai shpreson se do të ndihmojë në rivendosjen e lidhjeve ajrore midis Londrës dhe Nju Jorkut, e cila normalisht është një nga rrugët ndërkombëtare më të ngarkuara në botë me distanca të gjata.
Sigurisht që është qetësuese të jesh në një aeroplan ku të gjithë janë testuar. Sigurisht, ne e dimë që nuk është një garanci, por në kohën e hipjes në bord të gjithë presupozohet të jenë të pa infektuar me Covid dhe kjo e bën këtë fluturim mjaftueshëm të sigurt për t’u kryer .
CNN