Gjysmë milioni maska do të shpërndahen te qytetarët e Kosovës gjatë ditëve në vazhdim.

Këto maska janë donacion nga Jordania, të cilat Qeveria e Kosovës i ka pranuar gjatë vikendit që lamë pas, ka bërë të ditur zëvendëskryeministri Besnik Tahiri në një konferencë për media.

Tahiri ka bërë të ditur se janë përgatitur kriteret për shpërndarjen e këtyre maskave dhe mjete tjera mbrojtëse në 38 komuna të Kosovës, sipas numrit të banorëve, raporton “Zeri.info”.