Më shumë se 12 persona kanë humbur jetën dhe qindra tjerë janë lënduar nga tërmeti i fuqishëm që goditi sot në orët e para të mëngjesit Shqipërinë, duke shkatërruar kështu ndërtesa, në rrënojat e të cilave mbetën të ngujuar qytetarë të shumtë që pas intervenimeve të ekipeve emergjente janë shpëtuar.

Shumë ekipe të shpëtimit dhe ushtarë janë duke bërë të pamundurën që të shpëtojnë qytetarët që kanë ngecur nëpër shtëpitë apo ndërtesat e rrënuara, nga tërmeti prej 6.4 magnitudë goditi Shqipërinë.