Pirja e ujit gjatë ngrënies pengon fuqishëm fuqitë e tretjes së stomakut dhe shkakton që nivelet e insulinës të luhaten ndjeshëm.  Për të ditur nëse jeni duke pirë ujë të mjaftueshëm, mjafton të kontrolloni nëse ndjeheni të etur. Këshilltari makrobiotik, Shonali Sabherwal, shpjegon pse nuk duhet të pini ujë gjatë ushqimit tuaj.

“Shumica e indianëve konsumojnë ujë së bashku me ushqimet e tyre. Teoria e zakonshme është pastrimi i ushqimit gjatë ngrënies. Njerëzit nuk kanë asnjë ide se sa e gabuar është kjo praktikë dhe se si ndikon kjo në sistemin e tyre tretës. Për ata që vuajnë nga problemet e tretjes, rreziqet janë të shumëfishta. Barku ynë ka një aftësi për të ditur se kur do të hani dhe fillon menjëherë të lëshojë lëngje që ndikojnë procesin e tretjes. Nëse filloni të pini ujë në të njëjtën kohë, ajo që ju po bëni aktualisht është hollimi i lëngjeve të tretjes që lëshohen për të tretur ushqimin tuaj, duke penguar kështu ato lëngje të ‘’shkatërrojnë’’ ushqimin që ju keni konsumuar “.

Studimet, tregojnë se pirja e ujit pak gjatë ngrënies nuk është një çështje shqetësimi, por pirja e një ose dy gotave gjatë ngrënies, mund të pengojë tretjen. Është mirë të pini lëngje para dhe dy orë pas ngrënies pasi kjo ndihmon në absorbimin e lëndëve ushqyese.

 “Pirja e ujit gjatë ushqimit gjithashtu mund të shkaktojë rritje në nivelin tuaj të insulinës, dhe sa më shumë insulinë të lirohet në qarkullimin tuaj të gjakut, aq më i lartë është shansi i ruajtjes së yndyrës në trupin tuaj”.

Për t’iu shmangur këtyre problemeve, studiuesi Sabherwal, këshillon që të siguroheni që ushqimi juaj të mos jetë shumë i kripur, pasi kjo do të përkeqësojë etjen tuaj dhe do të shkaktojë nevojën tuaj për konsumuar më shumë ujë. Përveç kësaj, e ngrëna me nxitim do të bëjë që të konsumoni më shumë ushqim dhe rrjedhimisht akoma dhe më shumë ujë. Ndaj përpiquni të hani sa më ngadalë, në mënyrë që të shmangni konsumimin e tepërt të ujit.