“Pavarësia e Kosovës nuk është kundër serbëve të Kosovës. Pavarësia e Kosovës, para së gjithash, është pavarësi nga Serbia e jo nga Shqipëria”, “Serbia është në panikë”, “BE ka ndihmuar shumë Kosovën, por unë jam kritik ndaj BE, por BE është qëllimi ynë”, citon z. Kurti e pavarura MekuliPress. Kryeministri i pakorruptuar Albin Kurti në një intervistë për BBC-në, poashtu ka argumentuar e  sqaruar, se Serbia do që Kosova do të bosnjëzohet (përmes Asociacionit të Komunave Serbe), por ai ka premtuar se një gjë e tillë nuk do të ndodhë, përkundër se SHBA kërkon saktësisht të kundërtën.

Kurti për opinionin publik anglishtfolës, edhe njëherë siguroi se Asociacioni i Komunave Serbe në Kosovë nuk do të ndodhë, qoftë vetë në qeveri apo opzitë, sepse sipas tij, kjo është arsyeja pse është votuar.

Tutje, kryeministri argumentoj se kur Asociacioni i Komunave Serbe nuk u implementua, asnjë serb nuk protestoi, asnjëherë.

Kurti argumenton se, ishte gjithmonë Beogradi ai që ishte nervoz kur “Zajednica” nuk kaloi, e kjo sepse, sipas tij,  Serbia do që të krijojë një shtet tjetër brenda Kosovës.

“Kur Asociacioni i Komunave Serbe nuk u implementua, asnjë serb nuk protestoi, kurrë. Ishte gjithmonë Beogradi që ishte nervoz. Ata (Serbia) donë që ta përsërisin bosnjëzimin në Kosovë, ne nuk do ta lejojmë këtë, qofshim në opozitë apo qeveri. Kjo është arsyeja që jam votuar: Të pamundësojë bosnjëzimin e Kosovës. Unë jam i sigurt që me programin tonë, ne do t’i ndihmojmë serbët po aq sa shqiptarët. Nëse ne pyesim serbët cilat janë ankesat tuaja, ata do të thonë “vendet e punës dhe drejtësia”, por Beogradi do të ketë një shtet brenda një shteti, një shtet të Serbisë brenda pavarësisë së Kosovës”, ka thënë Kryeministri Kurti për BBC.