Serbia planifikon të blejë avionë luftarakë Rafale nga Franca, tha të hënën, 11 prill presidenti Aleksandar Vuçiç.

Ekspertët e panë këtë vendim si shenjën e fundit të distancimit të Beogradit nga furnizuesi i tij tradicional ushtarak Rusia.

Serbia, tani një kandidate për t’u anëtarësuar në BE, ka qenë nën presionin e Evropës për të zvogëluar lidhjet e saj me Moskën.

Ajo ka votuar kundër Rusisë tre herë në Kombet e Bashkuara që nga fillimi i pushtimit rus të Ukrainës në 24 shkurt.