Një deputete letoneze në Parlamentin e BE-së ka qenë agjente e shërbimit rus të sigurisë (FSB) që nga viti 2004, raporton gazeta suedeze Expressen.

Emailet e zbuluara tregojnë komunikimin që agjentja ka pasur me kontaktet në FSB ruse dhe se ajo ka përcjellë tek ata diskutimet e brendshme dhe planet në BE, shkruan gazeta suedeze, përcjellë e pavarura MekuliPress.

Në emailet e tjera, ajo organizon një takim me kontaktin e saj rus në një stacion treni në Bruksel. Sipas Expressen, parlamentarja ka ndjekur prej kohësh një politikë pro-ruse dhe nuk ka dashur të dënojë pushtimin e Rusisë në Ukrainë.

Zbulimet e Expressen janë bërë në bashkëpunim me gazetën e pavarur ruse The Insider, Letonisht Re: Baltica dhe Delfi në Estoni.

Vetë deputetja shkruan në një email për gazetën “The Insider” se emailet janë të vërteta, por pretendon se nuk ishte në dijeni se njerëzit me të cilët kishte kontakte ishin nga FSB ruse, përcjellë MekuliPress.