Një pjesë e parë më shumë e përdorur për të njohur kundërshtarin dhe jo me shumë raste konkrete.
Çekët nuk ishin shumë kërcënues në portën e Berishës, pasi kuqezinjtë u mbyllën mirë në fazën mbrojtëse.
Ndërkohë, Shqipëria pati disa mundësi, por të paqartë në topin e fundit. Një rast i pastër ishte pranë minutës së 30’ me Cikalleshin, por nuk mundi të shënonte. Ndërkohë një rast i diskutueshëm ishte brenda zonës së kundërshtarit, pasi Barjami mori një ndërhyrje, por për gjyqtarin nuk kishte asgjë të parregullt.
Në minutën e 56, Çekia ka kaluar në avantazh ndaj Shqipërisë.
Një aksion i shpejtë i ndërtuar nga vendasit, bëri që Soucek të dërgojë topin e fundit te Cerny, ku ky i fundit nuk gaboi para Berishës.
Për një moment u dha pozicion jashtë loje, por VAR vendosi se gjithçka ishte e rregullt.
Në minutën e 66, Shqipëria ka barazuar rezultatin ndaj Republikës Çeke.
Ka qenë Nedime Bajrami që ka shkundur rrjetën e portierit të Republikës Çeke.